Bragi Bjarnason, bæjarstjóri, leiðir áfram lista Sjálfstæðismanna í Árborg í sveitarstjórnarkosningunum 16. maí næstkomandi. Ákveðið var á fjölmennum fundi fulltrúaráðs sjálfstæðisfélaganna í Árborg að falla frá fyrirhuguðu prófkjöri og viðhafa uppstillingu.
Á fundinum var einnig samþykkt einróma röðun efstu sex sætanna á listanum. Þau eru:
1. Bragi Bjarnason, bæjarstjóri.
2. Sveinn Ægi Birgisson, formaður bæjarráðs.
3. Linda Björk Hilmarsdóttir, framkvæmdastjóri.
4. Brynhildur Jónsdóttir forstöðuþroskaþjálfi og bæjarfulltrúi.
5. Þórhildur Ingvadóttir, móttökuritari.
6. Kjartan Björnsson rakari og forseti bæjarstjórnar Árborgar.
„Það er ánægjulegt með hvernig til tókst við uppstillinguna þar sem eru í bland núverandi sveitarstjórnarmenn og nýliðar,“ segir Guðmundur Ármann Pétursson, formaður fulltrúaráðs.
Bragi Bjarnason tekur undir það og segir að hér sé um að ræða „ákaflega samstíga og öflugan hóp sem samanstendur af bæði reyndu fólki og nýju, sem er reiðubúið til að halda áfram því góða starfi sem við í D-listanum höfum unnið hér á líðandi kjörtímabili.“
Framundan er röðun sæta á listann til fulls og er búist við því að því verði lokið í næstu viku.