Í dag hófst vinna við að sprengja burtu haft í vegstæði nýs Suðurlandsvegar í Hellisskógi, á framkvæmdasvæði nýju Ölfusárbrúarinnar.
Myndband af fyrstu sprengingunni má sjá hér fyrir neðan. Það tók Tómas Ellert Tómasson, staðarstjóri eftirlits hjá Norconsult. Að sögn Tómasar Ellerts er talsvert magn af jarðvegi sem þarf að sprengja þarna og verður unnið að því næstu tvær vikurnar.
Vegagerðin brýnir fyrir fólki að fara að öllu með gát ef það er á ferð við framkvæmdasvæðið en búið að að loka gönguleiðum í Hellisskógi á þessum stað. Hljóðmerki er gefið áður en sprengt er, eins og heyra má í myndbandinu.