Búið er að opna Suðurlandsveg aftur en honum var lokað á fjórða tímanum í dag við Þingborg í Flóahreppi vegna umferðarslyss.
Samkvæmt upplýsingum frá lögreglunni á Suðurlandi lentu tveir bílar í árekstri við gatnamótin að Þingborg. Ekki er talið að þeir sem voru í bílunum hafi slasast alvarlega.
Talsvert viðbragð var vegna slyssins, sjúkrabílar og lögregla frá Selfossi voru kallaðir á vettvagn ásamt tækjabíl frá Brunavörnum Árnessýslu.
Tildrög slyssins eru til rannsóknar hjá lögreglunni á Suðurlandi.