Ræktunarsamband Flóa og Skeiða hefur nú verið selt og skipt upp í tvær einingar. Fyrirtækið Borgarverk í Borgarnesi keypti jarðvinnu- og klæðningarhluta fyrirtækisins og fyrirtæki í eigu Jóhanns Ólafssonar í Reykjavík keypti jarðborunarhlutann.
Rekstur beggja eininganna verður áfram á Selfossi og munu starfsmenn halda sínum störfum.
Að sögn Óskars Sigvaldasonar hjá Borgarverki er verkefnastaða fyrirtækisins mjög góð og mun rekstur fyrirtækisins styrkjast talsvert með samrumanum.