Fischersetrið á Selfossi var opnað um síðustu helgi og og verður opið daglega frá 13 til 16 allt til 15. september næstkomandi. Í setrinu eru til sýnis ýmsir hlutir og myndir tengdir heimsmeistaranum í skák Bobby Fischer.
Fischer varð heimsmeistari í skák er hann tefldi á móti Boris Spassky í Reykjavík 1972. Hlutir og myndir frá þessu heimsmeistaraeinvígi eru til sýnis í setrinu. Ennfremur myndir frá því tímabili er hann varð íslenskur ríkisborgari og dvöl hans hér á landi síðustu æviárin.
Margir líta svo á að þessi viðburður hafi komið Íslandi á kortið, og samkvæmt könnun sem gerð var á meðal fréttamanna á BBC þá álitu þeir þennan viðburð sem einn af 20 þýðingarmestu viðburðum síðustu aldar.
Langstærsti hluti ferðamanna er heimsækja Setrið eru erlendir ferðamenn og varð töluverð aukning í fjölda heimsókna í fyrra miðað við sumarið áður. Nokkrir ferðamenn hafa gagngert heimsótt Ísland til að koma í Fischersetur og að gröf Fishcers.
Snar þáttur í starfsemi Fischerseturs er fjöldi sjálfboðaliða, en nú eins og áður þá eru það sjálfboðaliðar sem standa vaktinu í Setrinu en í sumar eru það eftirfarandi í stafrófsröð: Aðalsteinn Geirsson, Árni Erlendsson, Böðvar Jens Ragnarsson, Eiríkur Harðarson, Eysteinn Jónasson, Gissur Jensson, Gísli Sigurðsson, Guðmundur Lýðsson, Gunnar Einarsson, Hjörtur Þórarinsson, Óli Þ. Guðbjartsson, Óskar H. Ólafsson, Valdimar Guðmundsson, Vilhjálmur Sörli Pétursson, Þórdís Kristjánsdóttir og Sjafnarblóm þeirra starfsmenn. Fyrir þetta óeigingjana framlag sjálfboðaliðanna er stjórn og framkvæmdaráð Fischerseturs ákaflega þakklát.