Búið að opna Hellisheiði

Hellisheiði hefur verið opnuð en henni var lokað snemma í gærkvöldi vegna veðurs. Þrengslin eru sömuleiðis opin í báðar áttir.

Hálka, hálkublettir og krapi er á flestum leiðum á Suðurlandi en aðalleiðir eru víða orðnar greiðfærar á Suð-vestanverðu landinu. Flughálka er í sunnanverðum Grafningi.

Vegna hálku og vinds féll skólaakstur niður í Sandvíkurhreppi fyrir nemendur Sunnulækjarskóla. Flughálka er í Flóanum í kringum Selfoss.

Hálkublettir eða snjóþekja er með Suð-austurströndinni.

UPPFÆRT KL. 14:13