Brynja ráðin til Kötlu jarðvangs

Brynja Davíðsdóttir var á dögunum ráðin úr hópi rúmlega tuttugu umsækjenda í stöðu framkvæmdastjóra Kötlu jarðvangs.

Katla Jarðvangur tekur til lands sveitarfélaganna þriggja; Skaftárhrepps, Mýrdalshrepps og Rangárþings eystra og er verkefni til að byggja upp og reka atvinnustarfsemi á sviði náttúruvísinda, land- og ferðamála og menningarmála

Auk sveitarfélaganna eru stofnendur jarðvangsins: Skógasafn, Kötlusetur, Kirkjubæjarstofa, Háskólafélag Suðurlands og Stofnun fræðasetra Háskóla Íslands.

Brynja er 39 ára gömul og með M.Sc. í náttúru- og umhverfisfræði auk þess sem hún á að baki þriggja ára verknám í hamskurði. Starfsaðstaða Brynju verður á Hvolsvelli en hún mun þó líka hafa aðstöðu á Vík og Klaustri.