Brúin yfir Þjórsá á Þjórsárdalsvegi við Sultartanga er lokuð vegna skemmda á brúarhandriði eftir að steypubíll fór framaf brúnni í gærkvöldi.
Í tilkynningu frá Vegagerðinni segir að viðgerðin muni taka nokkra daga svo leiðin verður lokuð eitthvað fram í vikuna. Allt kapp er lagt á að ljúka viðgerðum sem fyrst.
Hjáleið er um Landveg til að komast í Landmannalaugar, inn í Veiðivötn eða á Sprengisandsleið.
