Nýja brúin yfir Jökulsá á Sólheimasandi verður vígð formlega í dag klukkan 15. Með tilkomu hennar verður engin einbreið brú á Þjóðvegi 1, frá Reykjavík og austur fyrir Kirkjubæjarklaustur.
Klippt verður á borða á brúnni en að því loknu mun Sigurður Ingi Jóhannsson, innviðaráðherra, aka fyrstur yfir brúna. Strax á eftir honum ekur Hörður Brandsson, sem fyrstur ók yfir gömlu brúna árið 1967.
Að athöfn lokinni verður boðið til kaffisamsætis í félagsheimilinu Leikskálum í Vík í Mýrdal.