Brotist inn í níu hesthús

Í nótt var brotist inn í níu hesthús við Norðurtröð á Selfossi. Úr einu húsinu var stolið sex hnökkum og er verðmæti þeirra vel á aðra milljón króna.

Hnakkarnir sem stolið var voru tveir Svarfdælingar, einn Sleipnis, einn Óðins og tveir af óþekktri tegund. Lögreglan á Selfossi segir að í fyrstu verði ekki séð að stolið hafi verið úr öðrum hesthúsum. Hins vegar voru unnin eignaspjöll svo sem á hurðum, gluggum og fleiru.

Talið er að verðmæti hnakkanna sem var stolið sé slái í eina og hálfa milljón króna miðað við verð í verslun.

Lögreglan biður alla þá sem veitt geta upplýsingar um óeðlilegar mannaferðir í hesthúsahverfinu í nótt eða búa yfir öðrum upplýsinum um málið að hafa samband við lögreglu í síma 480 1010.