Björgunarsveitir í Árnessýslu voru kallaðar út á sjöunda tímanum í kvöld vegna manns sem slasaðist á göngu í Reykjadal. Maðurinn steig í hver og brenndist illa á báðum fótum.
Sjúkrabíll var sendur á slóðann á Ölkelduhálsi þaðan sem sjúkraflutningamenn fóru að slysstað og bjuggu manninn undir flutning.
Björgunarmenn þurftu síðan að bera hinn slasaða nokkurn spöl til að koma honum í sjúkrabíl.