Brennd pönnukaka en enginn eldur

Neyðarlínan fékk boð síðdegis í dag um að eldur væri kominn upp á eldavél í raðhúsaíbúð við Birkihóla á Selfossi.

Brennd pönnukaka varð til þess að ræsa eldvarnarkerfi í húsinu sem er þjónustuíbúð fyrir fatlaða.

Enginn eldur reyndist í eldhúsinu og þurftu slökkviliðsmenn frá Brunavörnum Árnessýslu á Selfossi því ekki að athafna sig á vettvangi.