Framkvæmdir við fyrsta áfanga breikkunar Suðurlandsvegar hefjast á morgun, klukkan 15.
Í fyrsta áfanga felst tvöföldun kaflans frá Fossvöllum í Lögbergsbrekku ofan við Lækjarbotna og upp í Draugahlíðarbrekku austan við Litlu kaffistofuna. Kaflinn sem boðinn var út er 6,5 km að lengd.
Samgönguráðherra verður viðstaddur og mun jafnvel grípa sér skóflu í hönd að því er fram kemur á mbl.is.