Síðastliðinn förstudag undirritaði Framkvæmdasýslan-Ríkiseignir verksamning við Borgarverk um jarðvegsframkvæmdir fyrir fangelsið að Stóra-Hrauni. Verktakinn stefnir á að koma með vinnuvélar á staðinn í þessari viku.
Borgarverk átti lægsta tilboðið í verkið eða tæplega 993 milljónir króna. Sex önnur tilboð bárust í verkið.
Fyrsta öryggisfangelsi landsins
Stóra-Hraun verður öryggisfangelsi með 128 rýmum fyrir afplánun. Það mun bæta aðstöðu til að aðskilja fanga eftir þörfum, efla öryggi og skapa betri skilyrði fyrir menntun, endurhæfingu og meðferð.
Framkvæmdinni verður skipt í tvo áfanga. Í þeim fyrri verður lögð áhersla á almenn fangarými sem rúma 56 fanga, skólabyggingu, eina vinnustofu, vöruhús og aðalbygging.
Áætlaður kostnaður við fyrri hlutann er 17,8 milljarðar og eru þær framkvæmdir fjármagnaðar að fullu.