Borgarverk bauð lægst í Suðurhólana

Í gær voru opnuð tilboð í lagningu klæðningar á Austurhóla og Suðurhóla, austan Akralands á Selfossi. Tveir verktakar buðu í verkið.

Borgarverk ehf. átti lægra boðið, tæplega 16,8 milljónir króna en Mjölnir, vörubílstjórafélag bauð rúmlega 19,6 milljónir króna. Kostnaðaráætlun verkfræðistofunnar Eflu hljóðaði upp á rúmar 22,6 milljónir króna.

Verkinu á að vera lokið þann 30. júní næstkomandi.