Borgarafundur verður haldinn á Skyrgerðinni í Hveragerði í kvöld, mánudaginn 9. maí kl. 20:00, um málefni Hamarshallarinnar.
Hamarshöllin fauk í óveðri í febrúar og hefur meirihlutinn í bæjarstjórn Hveragerðis ákveðið að reisa hana aftur í sömu mynd. Nokkur styr hefur staðið um þessa ákvörðun meirihlutans og hófst undirskriftarsöfnun í bænum til þess að knýja fram borgarafund um málefni Hamarshallarinnar. Forráðamenn söfnunarinnar náðu tilsettum fjölda undirskrifta og því er boðað til fundarins í kvöld.
Frummælendur á fundinum eru Jóna Sigríður Gunnarsdóttir, ábyrgðarmaður undirskriftarsöfnunarinnar, fulltrúar frá Verkís og fulltrúar allra flokka sem sæti eiga á bæjarstjórn.
Fundinum verður streymt á heimasíðu bæjarins.