Nýji vegurinn yfir Lyngdalsheiði verður formlega opnaður síðdegis nk. föstudag.
Samgönguráðherra ásamt vegamálastjóra mun þá klippa á borða og hleypa umferð formlega á veginn. Athöfnin fer fram austanmegin á veginum, nær Laugarvatni.
Nýji vegurinn er fjórtán kílómetra langur heilsársvegur og leysir af hólmi eldri veg um Gjábakka sem liggur nokkru norðar.