Með hliðsjón af velferð neytenda hafa Aðföng, að höfðu samráði við Bónus og H-Berg ehf, ákveðið að taka úr sölu og innkalla Bónus vanilludropa.
Innköllunin varðar allar best fyrir dagsetningar og er tilkomin vegna óstaðfests gæðaflokks hráefnis í vörunni. Varan hefur verið tekin úr sölu í verslunum.
Viðskiptavinum Bónus sem keypt hafa vöruna er ráðið frá því að nota hana og er bent á að þeir geta skilað henni í verslunina þar sem hún var keypt gegn fullri endurgreiðslu.
Aðföng biður viðskiptavini Bónus sem kunna að hafa orðið fyrir óþægindum vegna þessa innilegrar afsökunar.