Það var stór dagur í Skálholti í dag þegar bókasafn úr turni Skálholtsdómkirkju var flutt úr turni kirkjunnar niður í nýja bókhlöðu í kjallara Gestastofunnar.
Sjálfboðaliðar úr ýmsum áttum; velunnarar Skálholtsstaðar, starfsmenn, björgunarsveitarfólk, kvenfélagskonur, fjölskyldumeðlimir og einstaka ferðamenn tóku þátt.
Yfir 280 bókakassar voru fluttir með mannlegri keðju sem náði úr turni kirkjunnar og alveg niður á kirkjutröppurnar, þaðan var þeim ekið að Gestastofunni þar sem þær voru bornar niður í nýja bókhlöðu.
Margar hendur unnu létt verk en verkið tók rétt um eina klukkustund og að lokum þáðu sjálfboðaliðarnir veitingar fyrir vel unnin störf.
