Bókasafnið í Hveragerði mun loka í tvær til þrjár vikur frá og með mánudeginum 11. júlí vegna breytinga í Sunnumörk.
Vegna fyrirhugaðrar jarðskjálftasýningar í hluta af rými bókasafnsins þarf að gera talsverðar breytingar á húsnæði safnsins.
Vegna breytinganna hefur verið þrengt að safninu í nokkurn tíma og er safngestum þökkuð þolinmæðin við þessar aðstæður.
Hægt verður að skila bókum í skilakassa allan tímann og safngestir, sérstaklega sumarlestrarbörnin, eru hvattir til að birgja sig upp af bókum áður en safnið lokar.