Á morgun mun almannavarnanefnd Rangárvalla- og V-Skaftafellssýslu í samavinnu við Neyðarlínuna og almannavarnadeild ríkislögreglustjóra standa fyrir boðunaræfingu á áhrifasvæði hugsanlegs Kötlugos eða frá Hvolsvelli að Kirkjubæjarklaustri.
Æfingin verður framkvæmd milli kl.11:00 og 12:00 með þeim hætti að SMS verða send í alla farsíma á svæðinu til að kanna dreifingu skilaboðanna.
Skilaboðin verða á íslensku og ensku og verða svo hljóðandi:
ÆFING, Fjarskiptaæfing vegna Kötlu. Ekki þörf á svörun, ÆFING. – TEST, Police Emergency Information System, no need to reply, TEST
Allir farsímar á svæðinu ættu að fá ofangreind skilaboð.
Frá því að eldgosinu í Eyjafjallajökli lauk (árið 2010) hefur verið unnið í að bæta farsímasamband á svæðinu m.a. með uppsetningu nýrra senda. Auk þess hefur Neyðarlínan tekið í notkun kerfi sem getur sent SMS skilaboð í alla farsíma á tilteknu svæði óháð símafyrirtæki og þjóðerni. Kerfið var prófað nokkrum sinnum á síðasta ári og gáfu þær prófanir góða raun.
Mikilvægt er að allir sem eru á svæðinu og fá ekki boð í sína síma komi því á framfæri við lögregluna á Hvolsvelli með því að senda tölvupóst á sveinnr@logreglan.is. Í póstinum þarf að koma fram nafn, símanúmer, nafn símafyritækis og staðsetningu viðkomandi milli kl.11:00 og 12:00 þann 15. mars.
Tilgangur æfingarinnar er að kanna virkni kerfisins og hvort að skilaboð komist til allra sem eru á svæðinu.