Síðastliðinn föstudag var skrifað var undir kaup sveitarfélagsins Bláskógabyggðar á jörðinni Laugarási. Laugarárjörðin hefur verið í sameiginlegri eigu Bláskógabyggðar, Hrunamannahrepps, Grímsnes- og Grafningshrepps og Skeiða- og Gnúpverjahrepps frá árinu 1922 þegar jörðin var keypt því þar skyldi læknir vera staðsettur.
Laugarásjörðin var metin af fasteignasölu á 280 milljónir og samþykktu sveitarfélögin að miða skyldi við það kaupverð. Bláskógabyggð átti 33,2% í jörðinni, Hrunamannahreppur 30%, Skeiða- og Gnúpverjahreppur 24,5% og Grímsnes- og Grafningshreppur 11,9% og skiptist kaupverðið, rúmar 187 milljónir króna í því hlutfalli til seljendanna.
Í tilkynningu frá Bláskógabyggð segir að með kaupum á Laugarási einfaldist meðal annars öll stjórnsýsla á jörðinni og öll skipulagsvinna og framtíðarsýn jarðarinnar verður á einni hendi.