Fyrr í desember skrifuðu Ásta Stefánsdóttir, framkvæmdastjóri Sveitarfélagsins Árborgar og Ingunn Gunnarsdóttir, formaður Lúðrasveitar Selfoss, undir þjónustusamning milli þessara tveggja aðila.
Samningurinn felur í sér framlag frá sveitarfélaginu í formi rekstrarstyrks til lúðrasveitarinnar en á móti spilar sveitin á nokkrum viðburðum í sveitarfélaginu á hverju ári. Sveitin kemur til að mynda að sumardeginum fyrsta, 17. Júní hátíðarhöldunum og fleiri viðburðum.
Samningurinn gildir út árið 2013 með möguleika á framlengingu.