Björgvin Guðmundsson, viðskiptafræðingur, hefur verið ráðinn fjármálastjóri Bláskógabyggðar.
Í framhaldi af breytingum á skipuriti sveitarfélagsins var staða fjármálastjóra auglýst laus til umsóknar í júní og bárust fimm umsóknir.
Björgvin, sem er viðskiptafræðingur, hefur starfað sem verkefnastjóri hjá KPMG á Selfossi og í Reykjavík um árabil, þar sem helstu verkefni hans hafa snúið að reikningsskilum, ársreikningsgerð, fjárhagsáætlanagerð og annarri þjónustu við sveitarfélög.
Eyrbekkingurinn Björgvin býr með fjölskyldu sinni á Selfossi.