Björgunarfélag Árborgar og Flugbjörgunarsveitin á Hellu hafa fengið útköll í dag til að aðstoða húseigendur í veðrinu sem nú gengur yfir.
Í báðum tilvikum var um að ræða þakplötur eða þakklæðningu sem var að losna af húsum.
Veðurstofan gerir ráð fyrir áframhaldandi norðaustanátt fram á kvöld, 18-25 m/s og dálítil slydda eða snjókoma. Í kvöld verður vindáttin austlægari með rigningu og 2-6°C hita.
Suðaustan og austan 15-23 í fyrramálið og rigning, en dregur úr vindi síðdegis á morgun.