Klukkan 17:51 í dag barst björgunarsveitum í uppsveitum Árnessýslu útkall vegna áttavilltrar göngukonu á Kerlingarfjallasvæðinu.
Konan fannst á uppgefnum punkti rétt fyrir klukkan 21 í kvöld og var í kjölfarið fylgt í bíl Björgunarsveitarinnar Ingunnar á Laugarvatni, sem flutti hana í sinn einkabíl á svæðinu.
Í frétt frá Björgunarsveitinni Tintron í Grímsnesi segir að útkallið hafi gengið vel fyrir sig og gerði konan rétt með því að halda kyrru fyrir frá því að hún óskaði eftir aðstoð.
Nú eru viðbragðsaðilar á heimleið og má gera ráð fyrir heimkomu að ganga 1:00 í nótt.