![Óveður í desember 2019 - 3](https://www.sunnlenska.is/wp-content/uploads/2019/12/Óveður-í-desember-2019-3-696x464.jpg)
Björgunarsveitir á Selfossi og Eyrarbakka eru ennþá að sinna óveðursútköllum.
Í morgun var gengið frá foktjóni á þaki sem ekki var hægt að sinna í nótt vegna veðurs og einnig hafa björgunarsveitarmenn sagað niður tré sem voru farin að halla.
Ennþá eru ferðamenn í skjóli í fjöldahjálparstöðinni á Borg í Grímsnesi og er verið að aðstoða fólkið sem dvaldi þar í nótt við að komast leiðar sinnar.
Aðgerðarstjórn í Björgunarmiðstöðinni á Selfossi er enn virk og verður þangað til yfirlýstu óvissustigi lýkur.
Búið er að opna Hellisheiði og Þrengsli og strætóleiðir á Suðurlandi eru byrjaðar að aka skv. áætlun.
![](https://www.sunnlenska.is/wp-content/uploads/2019/12/Óveður-í-desember-2019-2-800x533.jpg)
![](https://www.sunnlenska.is/wp-content/uploads/2019/12/Óveður-í-desember-2019-4-800x533.jpg)
![](https://www.sunnlenska.is/wp-content/uploads/2019/12/Óveður-í-desember-2019-800x533.jpg)
![](https://www.sunnlenska.is/wp-content/uploads/2019/12/Óveður-á-Selfossi-800x600.jpg)