Bjarni Valtýsson hefur verið ráðinn yfirlæknir í Rangárþingi og hóf hann störf í gær.
Bjarni lauk námi við læknadeild HÍ árið 1983 og hlaut sérfræðiviðurkenningu í svæfinga- og gjörgæslulækningum árið 1989. Hann hefur starfað á sjúkrahúsum bæði hér heima og erlendis auk þess að starfa á einkareknum læknastofum í Reykjavík. Meðfram svæfingum hefur Bjarni unnið við sérhæfða verkjameðferð í áratugi.
Undanfarin ár hefur hann starfað reglulega á heilsugæslunni í Rangárþingi sem heilsugæslulæknir.