Í vikunni var tekin skóflustunga að tveimur fimm íbúða raðhúsum Bjargs íbúðafélags við Langahraun í Hveragerði.
Það eru Eðalbyggingar sem sjá um framkvæmdina og er áætlað að húsin verði afhent í ágúst og október á næsta ári. Um er að ræða fjögurra herbergja íbúðir í sérbýli með litlum garði og fylgja tvö bílastæði hverri íbúð.
Bjarg hefur opnað fyrir umsóknir um íbúðirnar. Úthlutun geta þeir einir hlotið sem hafa verið virkir á vinnumarkaði og eru fullgildir félagsmenn aðildarfélaga ASÍ eða BSRB.