Fimmtudaginn 4. nóvember er stefnt á að malbika Biskupstungnabraut á 2,1 km kafla frá Kolgrafarhól að Kerinu í Grímsnesi.
Veginum verður alveg lokað á milli Þingvallavegar og Miðengisvegar og hjáleið verður um Búrfellsveg. Umferð frá Vaðnesvegi verður hleypt niður Biskupstungnabrautina í byrjun verks en síðan verður lokað þar.
Áætlað er að framkvæmdirnar standi frá kl. 7:00 á fimmtudagsmorgun til kl. 22:00 á fimmtudagskvöld.
Vegfarendur eru beðnir um að virða merkingar og hraðatakmarkanir og sýna aðgát við vinnusvæðin. Vinnusvæðin eru þröng og menn og tæki eru við vinnu mjög nálægt akstursbrautum.