Birtingur 05043 frá Birtingaholti 1 í Hrunamannahreppi er annað þeirra nauta sem fengu verðlaun sem besta nautið fætt árið 2005, á ársfundi Fagráðs í nautgriparækt sem haldinn var í Húnaþingi í síðustu viku.
Tvö naut hlutu nafnbótina og er það í fyrsta sinn sem það gerist frá það að þessi verðlaun voru fyrst veitt. Auk Birtings var það bróðir hans, Vindill 05028 frá Ytri-Tjörnum í Eyjafirði sem fékk verðlaunin.
Guðmundur Jóhannesson, ábyrgðarmaður í nautgriparækt hjá RML, afhenti verðlaunin og fór um leið nokkrum orðum um þessi afbragðsnaut. Bæði eru þau synir Stígs 97010 frá Oddgeirshólum og móðurfaðir beggja er Kaðall 94017 frá Miklagarði.
Þau gefa miklar mjólkurkýr með ákaflega sterka og góða júgur- og spenagerð auk þess sem mjaltir eru með ágætum. Notkun þeirra hefur verið mikil í vetur enda um afbragðsgripi að ræða.
Frá þessu er greint á heimasíðu Ráðgjafarmiðstöðvar landbúnaðarins