Náttúrlegt íslenskt birki hefur breiðst mjög út á Þórsmerkursvæðinu síðustu áratugi. Þetta er áberandi aurum Krossár og ár sem rennur úr Strákagili og mætti kalla Strákagilsá á Goðalandi.
Þegar ferðafélagið Útivist setti upp fyrsta skálann í Básum um 1980 voru settir varnargarðar svo að Strákagilsáin rynni ekki yfir svæðið og síðar voru settar bakkavarnir á Krossá hún færi ekki yfir landið. Fyrir því stóð Landgræðsla ríkisins ásamt Vegagerð ríkisins. Aurarnir voru græddir upp með ýmsum aðferðum af starfsfólki Útivistar og fleirum og eru þar nú tjaldsvæði félagsins. Meðal annars var seyra úr kömrum sett í aurinn fyrstu árin. Greri hann því hratt upp og birki tók að sá sér út.
Á heimasíðu Skógræktarinnar má sjá myndir sem skógarvörðurinn á Suðurlandi tók árið 1990 og aftur árin 2010-13. Þær segja meira en mörg orð um útbreiðslu birkiskógarins.
Víðar um aurana breiðist birki út en Krossáin sem flæmist yfir aurana brýtur land og eyðir flestum birkitorfunum sem þar spretta upp með reglulegu millibili.