S-listinn, Samfylkingin og óflokksbundnir í Hveragerði, bjóða fram til sveitarstjórnarkosninganna í vor og var framboðslistinn kynntur á opnum kynningarfundi í leikhúsinu við Austurmörk í dag.
Birgitta Ragnarsdóttir, tollamiðlari, er oddviti listans, Þorsteinn Hjartarson, fyrrverandi fræðslustjóri, skipar 2. sætið og Maria Araceli, dans- og leiklistarkennari, er í 3. sæti.
„Listinn er skipaður öflugu fólki með fjölbreytta reynslu og þekkingu sem vill leggja sitt af mörkum til þróunar og áframhaldandi uppbyggingar Hveragerðisbæjar. Í starfinu framundan hjá S-listanum verður lögð áhersla á að fólk með ólíkar skoðanir og ólíkan bakgrunn geti fundið sér farveg og staðið saman með félagshyggju og jafnaðarstefnu að leiðarljósi,“ segir í tilkynningu frá framboðinu.
S-listinn í Hveragerði er þannig skipaður:
1. Birgitta Ragnarsdóttir, tollamiðlari
2. Þorsteinn Hjartarson, eldri borgari og fv. fræðslustjóri
3. Maria Araceli, dans- og leiklistarkennari
4. Guðmundur Benóný Baldvinsson, lagerstjóri
5. Berglind Ósk Guttormsdóttir, leiðsögumaður og ferðaskipuleggjandi
6. Arnar H. Halldórsson, verkfræðingur
7. Árný Fjóla Ásmundsdóttir, leiðbeinandi í leikskóla og listakona
8. Tómas Kristjánsson, sálfræðingur og lektor
9. Kristín Lilja Thorlacius, bókasafns- og upplýsingafræðingur
10. Halldór Grétar Einarsson, tæknistjóri
11. Harpa Björnsdóttir, deildarstjóri og leikskólakennari
12. Hjálmar Trausti Kristjánsson, bílstjóri
13. María Arnardóttir, myndlistarkona
14. Ingibjörg Sigmundsdóttir, eldri borgari og fv. garðyrkjubóndi
@asaberglind Það var mikið líf, fjör og tónlist þegar listi Samfylkingar og óflokksbundna í Hveragerði var kynntur í sólinni í dag, en ekki hvað í þessum fallega menningarbæ🌹 Glæsilegur hópur af fólki með djúpa þekkingu á hinum ýmsu sviðum samfélagsins sem Hvergerðingar eru heppnir að gefi kost á sínum kröftum í þágu samfélags.