Ökumaður fólksbíls var fluttur til aðhlynningar á slysadeild eftir bílveltu á Eyrarbakkavegi um klukkan 14 í dag.
Slysið varð á vinnusvæði á veginum við Stekka í Sandvíkurhreppi og virðist sem bílstjórinn hafi misst stjórn á bílnum á malarkafla og hafnað utan vegar.
Lögregla og sjúkralið mættu á vettvang ásamt tækjabíl frá Brunavörnum Árnessýslu. Bifreiðin er mikið skemmd.
Lögreglan á Suðurlandi rannsakar tildrög slyssins.