Ökumaður og farþegi sluppu ómeiddir þegar jeppabifreið brann til kaldra kola á Tjarnarvegi í Biskupstungum um klukkan níu í gærkvöldi.
Ökumaðurinn varð var við gangtruflanir og stöðvaði bílinn til þess að athuga hvað væri á seyði. Þegar hann opnaði vélarhlífina gaus eldurinn upp.
Slökkvilið Brunavarna Árnessýslu í Reykholti var kallað á vettvang og var slökkvistarfi lokið um klukkan tíu.