BES í evrópsku samstarfsverkefni

Ljósmynd/BES

Barnaskólinn á Eyrarbakka og Stokkseyri er í Erasmus+ samstarfsvekefni með grunnskólum frá Spáni, Þýskalandi og Grikklandi (Krít) nú í vetur.

Nemendahópar úr 7. og 8. bekk heimsækja vinabekki í þessum Evrópulöndum á þessu og næsta skólaári með það að markmiði að kynnast landi og þjóð, menningu, staðháttum og sérstöðu. 

Nemendur skólanna kynna sé héruð vinaskóla og í síðustu viku héldu nemendur á unglingastigi þemadag þar sem þeir settu upp glærukynningar um Aragon hérað á norður Spáni, skreyttu skólann, lærðu palos þjóðdansa og útbjuggu tapas smáréttaveislu. 

Nemendur skólans munu svo heimsækja Þýskaland á vormánuðum og grísku eyjuna Krít næsta haust. Samstarfinu lýkur svo vorið 2020 þegar evrópsku vinabekkirnir heimsækja Ísland og taka þátt í Barnabæ í Barnaskólanum á Eyrarbakka og Stokkseyri.