Bannsvæðið minnkað

Bannsvæðið umhverfis eldstöðina á Eyjafjallajökli hefur verið minnkað og er leiðin að Sólheimajökli opin og einnig er opið upp á Mýrdalsjökul.

Vegurinn upp á Fimmvörðuháls er lokaður og bannsvæði umhverfis gosstöðvarnar á Fimmvörðuhálsi, auk þess sem vestasti hluti Mýrdalsjökuls er lokaður.

Kort af bannsvæðinu verður gefið út síðar í dag. Lokað er inn í Þórsmörk en vegurinn þangað er horfinn á 6 km kafla.

Þjóðvegur 1 er opinn undir Eyjafjöllum en vegfarendur eru beðnir um að fara með gát þar sem bráðabirgðaviðgerðir eru á veginum.

Kort af bannsvæðinu má nálgast í dálkinum hér til hægri.