Ökumaður bifhjóls var úrskurðaður látinn á vettvangi umferðarslyss sem varð austan við Vík í Mýrdal um klukkan 16 í gær.
Þar lentu bifreið og bifhjól í árekstri og var mikill viðbúnaður vegna slyssins. Ásamt lögreglu og tæknideild, sinntu sjúkraflutningar Heilbrigðisstofnunar Suðurlands, Slökkvilið Mýrdalshrepps og þyrla Landhelgisgæslunnar útkallinu. Rannsóknarnefnd samgönguslysa kom einnig á vettvang.
Lögreglan á Suðurlandi fer með rannsókn slyssins og gefur ekki frekari upplýsingar um það að svo stöddu.