Lögreglan á Suðurlandi rannsakar banaslys sem varð á hjúkrunarheimilinu Móbergi á Selfossi þann 10. nóvember síðastliðinn.
Oddur Árnason, yfirlögregluþjónn, staðfesti þetta í samtali við fréttastofu RÚV. Hann vildi ekki tjá sig um einstaka þætti rannsóknarinnar eða tildrög slyssins en ekki er grunur um neitt saknæmt.
Hjúkrunarheimilið Móberg opnaði í síðasta mánuði og þegar húsið verður allt tekið í notkun verður pláss þar fyrir 60 íbúa.