Upp úr klukkan 15 í gær barst lögreglunni á Suðurlandi tilkynning um vinnuslys á Hvolsvelli.
Lögregla fór á vettvang ásamt sjúkraflutningamönnum og slökkviliðsmönnum frá Brunavörnum Rangárvallasýslu.
Einn einstaklingur lenti í slysinu og var hann úrskurðaður látinn á vettvangi.
Slysið er til rannsóknar hjá rannsóknardeild lögreglunnar á Suðurlandi og veitir lögreglan ekki frekari upplýsingar um málið að sinni.