Bæjarstjórn Árborgar samþykkti á síðasta fundi sínum tillögu bæjarráðs um að bæjarstjórnarfundir í sveitarfélaginu verði sendir út í beinni útsendingu, bæði í hljóði og mynd.
Upptökur frá fundunum ferða svo aðgengilegar á heimasíðu sveitarfélagsins eftir að fundum bæjarstjórnar lýkur.
Á síðasta fundi bæjarstjórnar kom fram að kostnaður við verkefnið sé áætlaður um ein milljón króna og rúmast hann innan samþykkt fjárhagsáætlunar.
Bæjarstjórn vísaði málinu aftur til bæjarráðs til nánari útfærslu.