Undanfarna daga hefur rafleiðni aukist í Jökulsá á Sólheimasandi og mælist óvenju há miðað við árstíma. Mikið vatn er í ánni og borist hafa nokkrar tilkynningar um brennisteinslykt á svæðinu.
Í tilkynningu frá Veðurstofunni segir að undanfarna daga hafi nokkrir smáskjálftar mælst í Mýrdalsjökli innan vatnasviðs Sólheimajökuls. Þetta sé til merkis um að jarðhitavatn sé að leka undan jöklinum en engar vísbendingar eru um frekari vatnavexti.
Ferðafólki og ferðaþjónustuaðilum á svæðinu er þó ráðlagt að vera á varðbergi.