Atvinnuvegaráðuneytið hefur lagt fram í Samráðsgátt, frumvarpsdrög um sameiningu Matvælastofnunar, Fiskistofu og Verðlagsstofu skiptaverðs.
Markmið sameiningarinnar er að einfalda þjónustu við atvinnulíf, fækka samskiptaleiðum og skýra ferla með öflugri og skilvirkari stofnun sem mun hafa starfsstöðvar víða um land. Höfuðstöðvar Matvælastofnunar eru á Selfossi.
Með frumvarpinu er jafnframt lagt til að matvælaeftirlit sem nú er á vegum heilbrigðiseftirlita sveitarfélaga flytjist til nýrrar sameinaðrar stofnunar.
Fyrirhuguð sameining er í samræmi við niðurstöður fýsileikagreiningar sem sýndi fram á tækifæri til aukinnar samþættingar, samstarfs og styrkingar stjórnsýslu og faglegra stoða eftirlitsins. Með frumvarpinu er einnig brugðist við ábendingum Eftirlitsstofnunar EFTA (ESA) um að efla skilvirkni opinbers eftirlits í samræmi við EES-reglur.
Gert er ráð fyrir að ný stofnun taki til starfa 1. janúar 2027.