Atvinnumálanefnd Bláskógabyggðar vill kanna möguleikann á að byggja upp hjúkrunarheimili í sveitarfélaginu.
Á undanförnum misserum hafa einstaklingar í sveitarfélaginu þurft að flytjast á brott og í einhverjum tilfellum farið um nokkuð langan veg til að sækja viðunandi þjónustu.
Á fundi nefndarinnar í síðustu viku kom fram að innan sveitarfélagsins sé umræða um að hægt sé að koma á fót hjúkrunarheimili á lóð hótelsins í Laugarási og húsnæði þess jafnvel keypt undir starfsemina.
Í Laugarási er heilsugæsla og hefur það ýtt undir umræðuna um að hjúkrunarheimili verði þar.
Sjá nánar í Sunnlenska fréttablaðinu