Suðurlandsvegi var lokað fyrir stundu vegna nokkurra umferðaróhappa. Fyrir neðan Litlu kaffistofuna eru átta til tíu bílar í einni kös og neðst í Hveradalabrekkunni lentu að minnsta kosti fimm bílar í árekstri.
Snælduvitlaust veður er á þessum slóðum og blindaskafrenningur.
Samkvæmt tilkynningu frá lögreglunni á Suðurlandi voru lögreglumenn á leið á vettvang í Skíðaskálabrekkunni til að reyna að aðstoða ökumenn.
Þá hafa björgunarsveitir einnig verið sendar lögreglu til aðstoðar.