Átta sækja um embætti landgræðslustjóra

Átta umsækjendur eru um embætti landgræðslustjóra, en umhverfis- og auðlindaráðuneytið auglýsti embættið laust til umsóknar þann 5. mars síðastliðinn.

Sveinn Runólfsson landgræðslustjóri lætur af störfum vegna aldurs þann 30. apríl næstkomandi eftir 44 ára starf.

Umsækjendur eru:
Anna Guðrún Þórhallsdóttir, prófessor hjá Landbúnaðarháskóla Íslands
Árni Bragason, forstjóri NordGen
Benedikt Arnórsson, bóndi
Eydís Líndal Finnbogadóttir, forstöðumaður sviðs miðlunar og grunngerðar hjá Landmælingum Íslands
Guðmundur Stefánsson, sviðsstjóri á landverndarsviði hjá Landgræðslu ríkisins
Rannveig Anna Guicharnaud, jarðvegsfræðingur hjá Resource and Climate Consultancy
Rodrigo Ademar Martinez Catala, kennari í umhverfisfræðum hjá Camping Le Belvedere
Þórunn Pétursdóttir, sérfræðingur hjá Landgræðslu ríkisins

Umsóknarfrestur var til 20. mars sl. og mun valnefnd meta hæfni og hæfi umsækjenda og skila greinargerð til umhverfis- og auðlindaráðherra sem skipar í stöðuna til fimm ára að ráðningarferli loknu.