Kveikt var í ruslatunnu við leikskólann Heklukot á Hellu á nýjársnótt og náði eldurinn að læsa sig í húsið.
Nokkrar skemmdir urðu á húsinu en augljóst er á ummerkjum að stórtjón hefði orðið ef athugull starfsmaður hefði ekki verið á ferli og náð að slökkva eldinn.
Í tilkynningu frá Rangárþingi ytra eru íbúar beðnir um að fara varlega með flugelda og eldfæri og henda notuðum flugeldum á rétta staði.