Flokkur fólksins hefur gengið frá framboðslista sínum í Suðurkjördæmi vegna þingkosninga í haust. Ásthildur Lóa Þórsdóttir, kennari og formaður Hagsmunasamtaka heimilanna, skipar efsta sæti listans.
Georg Eiður Arnarsson, hafnarvörður og trillukarl, skipar annað sætið og Elín Íris Fanndal, félagsliði og leiðsögumaður, er í þriðja sæti á listanum.
Ásthildur Lóa Þórsdóttir hefur gegnt formennsku í Hagsmunasamtökum heimilanna frá árinu 2017 og barist fyrir réttindum fólks í kjölfar efnahagshrunsins 2008, ekki síst þeirra sem misstu heimili sín. Ásthildur hefur einnig verið virk í réttindabaráttu kennara og var kjörin í stjórn og samninganefnd félags grunnskólakennara árið 2018.
Framboðslistinn er þannig skipaður:
1. Ásthildur Lóa Þórsdóttir, kennari og formaður Hagsmunasamtaka heimilanna
2. Georg Eiður Arnarsson, hafnarvörður/trillukarl
3. Elín Íris Fanndal, félagsliði/leiðsögumaður
4. Sigrún Berglind Grétarsdóttir, leikskólaliði/öryrki
5. Stefán Viðar Egilsson, bílstjóri
6. Inga Helga Bjarnadóttir, sjúkraliði/öryrki
7. Hallgrímur Jónsson, vélamaður
8. Bjarni Pálsson, bakari
9. Jórunn Lilja Jónasdóttir, öryrki
10. Heiða Rós Hauksdóttir, öryrki
11. Jóna Kerúlf, eldri borgari
12. Guðfinna Guðný Sigurgeirsdóttir, eldri borgari
13. Ríkarður Óskarsson, öryrki
14. Jón Þórarinn Magnússon, golfvallarstarfsmaður
15. Guttormur Helgi Rafnkelsson, vélvirki/eldri borgari
16. Gunnþór Guðmundsson, eldri borgari
17. María G. Blómkvist Andrésdóttir, eldri borgari
18. Hjálmar Hermannsson, matsveinn/eldri borgari
19. Ámundi Hjörleifs Elísson, eldri borgari
20. Ísleifur Gíslason, flugvirki/eldri borgari