Ása Hlín Gunnarsdóttir hefur verið ráðin forstöðumaður markaðsmála hjá Biobú. Hún starfaði áður hjá fyrirtækjasviði Landsbankans. Matvælafyrirtækið Biobú sérhæfir sig í vinnslu á lífrænum mjólkur- og kjötafurðum en það var stofnað árið 2003.
Ása Hlín er með BSc gráðu í viðskiptafræði frá Háskóla Íslands en hún útskrifaðist í júní 2021. Ása Hlín er Selfyssingur í húð og hár og helstu áhugamál hennar eru útivist og að vera úti í náttúrunni. Hún hefur einnig gaman af að prjóna og sérstaklega úr umhverfisvænu garni. Eldamennska og bakstur eru einnig meðal helstu áhugamála hennar sem og að vera með fjölskyldu sinni.
Biobú framleiðir lífræna mjólk, jógúrt og osta. Mjólkin sem notuð er hjá Biobú kemur frá fjórum búum; Búlandi í Austur landeyjum, Neðra Hálsi í Kjós, Skaftholti í Gnúpverjahrepp og Eyði Sandvík í Sandvíkurhreppi, sem fékk einmitt nýverið vottun á í sína lífrænu mjólk.
Biobú hóf fyrr á þessu ári framleiðslu á lífrænum kjötvörum; hakki, hakkabollum og gúllas úr nautgripakjöti og auk þess nautalundum, nautafillet og rib eye. Fyrirtækið hefur gert samning við Sláturhús Vesturlands, sem fékk í lok síðasta árs lífræna vottun, um að þjónusta slátrun gripa frá bæjunum sem framleiða lífrænu mjólkina.