Fjölmennur félagsfundur Samfylkingarinnar í Árborg í kvöld samþykkti einróma framboðslista flokksins vegna sveitastjórnarkosninganna þann 14.maí næstkomandi.
Arna Ír Gunnarsdóttir, bæjarfulltrúi, leiðir listann og í 2. sæti er Sigurjón Vídalín Guðmundsson, sem á yfirstandandi kjörtímabili hefur setið í bæjarstjórn fyrir hönd Á-listans, Áfram Árborg. Björgvin G. Sigurðsson, fyrrverandi alþingismaður og ráðherra, kemur nú inn í bæjarmálin og skipar 3. sæti listans.
Í tilkynningu frá framboðinu segir að listann skipi reynslumiklir einstaklingar sem sitja í bæjarstjórn Árborgar auk nýrra frambjóðenda sem nú stíga sín fyrstu skref í sveitarstjórnarmálum, fullir áhuga á að gera gott sveitarfélag enn betra.
„Í hópnum eru einstaklingar með víðtæka þekkingu og reynslu víðsvegar að úr samfélaginu og spegla vel þá miklu breidd sem býr í ört vaxandi samfélagi. Listinn mun á næstunni kynna stefnumál sín en Samfylkingin hefur verið í meirihlutasamstarfi í Árborg á liðnu kjörtímabili,“ segir í tilkynningunni.
Framboðslisti Samfylkingarinnar í Árborg 2022:
1. Arna Ír Gunnarsdóttir, félagsráðgjafi og bæjarfulltrúi
2. Sigurjón Vídalín Guðmundsson, jarðfræðingur og bæjarfulltrúi
3. Björgvin Guðni Sigurðsson, sjálfstætt starfandi
4. Ástfríður M. Sigurðardóttir, gæðastjóri MAST
5. María Skúladóttir, grunnskólakennari
6. Viktor Stefán Pálsson, lögfræðingur
7. Svala Norðdahl, lífskúnstner
8. Jónas Hallgrímsson, framkvæmdastjóri
9. Elísabet Davíðsdóttir, laganemi
10. Jean Rémi Chareyre, sjálfstætt starfandi
11. Herdís Sif Ásmundsdóttir, hjúkrunarfræðingur
12. Jóhann Páll Helgason, fangavörður
13. Drífa Björt Ólafsdóttir, kennaranemi og leiðbeinandi
14. Egill Ö. Hermannsson, háskólanemi og varaformaður Ungra umhverfissinna
15. Guðrún Ragna Björgvinsdóttir, nemi
16. Hjalti Tómasson, eftirlitsfulltrúi
17. Drífa Eysteinsdóttir, hjúkrunarfræðingur
18. Elfar Guðni Þórðarson, listmálari
19. Þorvarður Hjaltason, f.v. framkvæmdastjóri SASS
20. Sigríður Ólafsdóttir, fyrrverandi bæjarfulltrúi
21. Margrét Frímannsdóttir, húsmóðir
22. Sigurjón Erlingsson, múrari